फागुन २१ मा निर्वाचन हुन्छ, उज्यालो नेपाल पार्टीले बहुमत ल्याउँछ : कुलमान घिसिङ

सजिलो पत्रिका

२०८२ पुस ०८, मङ्गलबार १७:११

अन्तरिम सरकारका मन्त्री कुलमान घिसिङले आगामी फागुन २१ गतेको निर्वाचनबाट देशमा नयाँ दलको नेतृत्व आवश्यक भएको बताए र पुराना दलहरू फेरी सत्ता सम्हाले अर्थ नभएको बताए।
उनले उज्यालो नेपाल पार्टीलाई बहुमतसहित चुनाव जितेर देशको विकास सम्भव हुने र प्रधानमन्त्री सही तथा क्षमतावान् हुनुपर्नेमा जोड दिए।
घिसिङले देशभर नयाँ शक्तिहरूलाई एकताबद्ध हुन निर्देशन दिँदै पुराना नेताहरूको राजनीतिक नेतृत्व असफल भएको र अब केवल भाषण र गफले विकास नहुने बताए।

समाचार सारांशGenerated using AI.

काठमाडौँ

अन्तरिम सरकारका ऊर्जा, जलस्रोत तथा सिंचाइ, भौतिक पूर्वाधार तथा यातायात र सहरी विकासमन्त्री एवं उज्यालो पार्टीका नेता कुलमान घिसिङले आगामी फागुन २१ गते हुने निर्वाचनबाट देशमा नयाँ दलहरूको सरकार बन्नुपर्ने बताएका छन् ।

गृह जिल्ला रामेछापको मन्थलीमा आयोजित उज्यालो नेपाल पार्टीको प्रथम जिल्ला भेलालाई सम्बोधन गर्दै मन्त्री घिसिङले देशको स्थिरताका लागि चुनाव अनिवार्य रहेको बताए ।

‘चुनाव हुनैपर्छ, देशको स्थिरताका लागि चुनाव अनिवार्य छ तर यो निर्वाचनबाट नयाँ नेतृत्व आउनु पर्छ, यदि यो निर्वाचनबाट पनि पुरानै दलहरू नेतृत्वमा आउने हो भने त्यसको के अर्थ हुन्छ ?’ उनले भने ।

आफूले मात्र चुनाव जित्नु ठुलो कुरा नभएको उल्लेख गर्दै उनले देशभरबाट उज्यालो नेपाल पार्टीका नेताहरूले बहुमत, दुई तिहाइसहित चुनाव जितेमा देशको विकास सम्भव हुने दाबी गरे ।

घिसिङले आगामी निर्वाचनबाट पनि नेपाली काँग्रेस, नेपाल कम्युनिष्ट पार्टी (एमाले) र नेपाली कम्युनिष्ट पार्टी जस्ता पूराना दलका नेताहरू नै सरकारको नेतृत्वमा पुगेमा पछिल्लो समय ‘जेनजी विद्रोह’ले सिर्जना गरेको राजनीतिक अवस्थाको औचित्य समाप्त हुने उनले बताए । चुनावपछि बन्ने सरकार देशका लागि अत्यन्तै महत्त्वपूर्ण हुने उनको ठहर छ ।

उज्यालो नेपाल पार्टीलाई बहुमत दिलाउने गरी सक्रिय हुन निर्देशन दिँदै उनले देश निर्माणका लागि प्रधानमन्त्री सही र क्षमतावान् हुनुपर्नेमा जोड दिए । ‘हिजोका नेताहरूले लिडरसिप गरेनन्, राजनीति मात्रै गरे,’ उनले भने,‘हामी राजनीति गर्न होइन, देशको समृद्धिका लागि काम गर्न आएका हौँ ।’

भाषण र गफले मात्र देश विकास नहुने बताउँदै घिसिङले पुराना शक्तिहरूलाई परास्त गर्न नयाँ शक्तिहरू एकताबद्ध भएर अगाडि बढ्नु पर्ने बताए । उज्यालो नेपाल पार्टी छोटो समयमै देशभर फैलिएको दाबी गर्दै उनले नयाँ नेतृत्वप्रति जनतामा आशा बढ्दै गएको बताए ।

यो समाचारमा

नेपाल कम्युनिष्ट पार्टी (एमाले)4 more

ट्यागहरू

#नेपाली कांग्रेस #रामेछाप #निर्वाचन #उज्यालो पार्टी नेपाल #नेकपा एमाले #जेनजी बिद्रोह #कुलमान घिसिङ #जेनजी आन्दोलन #सरकार #चुनाव #नेपाली कम्युनिष्ट पार्टी #जेनजी पुस्ता #आयोजित #भौतिक पूर्वाधार तथा यातायात र शहरी विकासमन्त्री कुलमान घिसिङ #जेनजी

यो खबर पढेर तपाईलाई कस्तो महसुस भयो ?

कुल मतदान: 0

सम्बन्धित समाचार

प्रधानमन्त्री शाहको हाजिरी खोज्दै हर्क साम्पाङ

काठमाडौँ।श्रम संस्कृति पार्टीका अध्यक्ष हर्कराज साम्पाङ राईले प्रतिनिधि सभाको बैठकमा प्रधानमन्त्री बालेन्द्र शाह (बालेन) को उपस्थिति (हाजिरी) बारे प्रश्न उठाएका छन्। प्रतिनिधिसभा नियमावलीको नियम ४ लाई उद्धृत गर्दै साम्पाङले प्रधानमन्त्रीले बैठकमा हाजिरी जनाए/नजनाएको स्पष्ट पार्न माग गरेका हुन्।साम्पाङले भने, "प्रधानमन्त्रीज्यूले यहाँ आउँदा हाजिर गर्नुभएको छ कि छैन? यदि उहाँले हाजिर