काठमाडौ । राष्ट्रिय कार्यशालाको उदघाटन पार्टी अध्यक्ष एवम् पूर्वप्रधानमन्त्री ओलीले गर्ने तय भएको छ ।
सदस्यता नवीकरण तथा विस्तार उत्प्रेरणा’ विषयमा नेकपा एमालेका अध्यक्ष केपी शर्मा ओलीले जेठ २० र २१ गते काठमाडौंमा आयोजना हुने पार्टीको राष्ट्रिय कार्यशालाको उद्घाटन गर्ने भएका छन्।
उक्त कार्यशालामा पार्टीको सांगठनिक सुदृढीकरण र भावी योजनाबारे छलफल तथा अभिमुखीकरण गरिनेछ ।
कार्यशालामा पार्टीका प्रदेश तथा जिल्ला इन्चार्ज, पदाधिकारी, कार्यालय सचिव र जनसंगठनका प्रमुखहरूको सहभागिता रहने प्रचार विभागले जनाएको छ ।
अध्यक्ष ओली २१ फागुनको प्रतिनिधि सभा निर्वाचनपछि पहिलोपटक सार्वजनिक कार्यक्रममा सहभागी हुँदैछन् ।
काठमाडौंको बबरमहलस्थित कार्की बैंक्वेटमा आयोजना हुने उक्त कार्यशाला जेठ २० गते बिहान ११ बजेदेखि सुरु हुने छ ।