सजिलो पत्रिका
२०८३ जेठ ०१, शुक्रबार ०९:०१
अध्यक्ष हर्क साम्पाङले प्रधानमन्त्री बालेन्द्र शाहलाई संसद्का प्रश्नहरूबाट भागेको भन्दै 'डरपोक' को संज्ञा दिएका छन्।
संसद्मा नीति तथा कार्यक्रमको जवाफ दिन प्रधानमन्त्री उपस्थित नभएकोमा साम्पाङले कडा आपत्ति जनाएका छन्।
सदनमा एक मिनेटको दूरी तय गर्न नसक्नेले लिपुलेक फर्काउने कुरा गर्नु 'हाँसउठ्दो मजाक' भएको उनको टिप्पणी छ।
प्रधानमन्त्रीको बचाउमा भइरहेका प्रचारलाई उनले 'एआई मिडिया ट्रायल' को नाम दिएका छन्।
साम्पाङले प्रधानमन्त्रीलाई आफ्नो जिम्मेवारीबाट नभाग्न र संसद्प्रति उत्तरदायी हुन चुनौती दिएका छन्।
काठमाडौँ। ०१ जेठ
श्रम संस्कृति पार्टीका अध्यक्ष हर्कराज साम्पाङ राईले प्रधानमन्त्री बालेन्द्र शाह (बालेन)को कार्यशैलीप्रति तीव्र असन्तुष्टि व्यक्त गरेका छन्। सामाजिक सञ्जालमार्फत टिप्पणी गर्दै साम्पाङले संसद्मा नीति तथा कार्यक्रममाथि उठेका प्रश्नहरूको जवाफ दिन उपस्थित नभएको भन्दै प्रधानमन्त्रीको आलोचना गरेका हुन्।
उनले प्रधानमन्त्रीलाई सदनबाट भागेको आरोप लगाउँदै लेखेका छन्, "जाबो एक मिनेटको दूरीमा रहेको सदन आउन नसक्ने डरपोक प्रधानमन्त्रीले लिपुलेक फर्काउँछ भन्ने एआई मिडिया ट्रायल गर्नु जतिको हाँसउठ्दो मजाक अरु छैन।" साम्पाङले संसद्को रोस्टममा उभिएर उत्तर दिन नसक्नेले कालापानी र लिपुलेक जस्ता गम्भीर विषय सुल्झाउन नसक्ने टिप्पणी गरेका छन्। उनले यसअघि पनि संसद्मा अनुपस्थित हुने विषयलाई लिएर "आफ्नो विवाहमा अरूलाई बेहुलो बनाउन मिल्दैन" भन्दै व्यङ्ग्य गरेका थिए।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।स्वतन्त्र सांसद तथा अविष्कारक महावीर पुन पुनः मन्त्री बन्ने भएका छन्। प्रधानमन्त्री बालेन्द्र शाह (बालेन)ले उनलाई नवनिर्मित 'विज्ञान, प्रविधि तथा नवप्रवर्तन मन्त्रालय' को जिम्मेवारी दिँदै मन्त्री नियुक्त गरेका हुन्। पुनले आजै दिउँसो ३ बजे राष्ट्रपति कार्यालयमा पुनरागमन गर्न लागेका गृहमन्त्री सुदन गुरुङसँगै शपथ ग्रहण गर्ने कार्यक्रम छ।यसअघि सुशीला कार्की नेतृत्वको
Loading brands...
