जब्दीघाटमा नयाँ पुल छिट्टै बन्छ : मन्त्री घिसिङ

सजिलो पत्रिका

२०८२ पुस ०३, बिहिबार १७:१०

मन्त्री कुलमान घिसिङले बर्दियाको जब्दीघाट पुल अनुगमन गर्दै नयाँ पुल निर्माण प्रक्रिया तत्कालै सुरु गरिएको जानकारी दिए।
पुरानो पुल प्राविधिक समस्याका कारण कानुनी झमेलामा परेपछि नयाँ पुल निर्माणको प्रक्रिया थालिएको हो।
चालु आर्थिक वर्षमा पुल निर्माणका लागि ११ करोड रुपैयाँ विनियोजन गरिएको छ, कुल लागत एक अर्ब १ करोड २९ लाख रुपैयाँ अनुमान गरिएको छ।
स्थानीयवासीहरू पुरानो पुल भासिएपनि जोखिम मोलेर यात्रा गरिरहेका थिए; मन्त्री घिसिङले बर्दियामा कर्णाली नदी तटबन्ध, सिचाइ, पूल लगायतका विभिन्न परियोजना अनुगमन गरेका थिए।

समाचार सारांशGenerated using AI.

काठमाडौँ

उर्जा, जलस्रोत तथा सिचाइ, भौतिक पूर्वाधार तथा यातायात र सहरी विकासमन्त्री कुलमान घिसिङले बर्दियाको जब्दीघाट पुल अनुगमन गर्दै तत्कालै नयाँ पुल निर्माण प्रक्रिया सुरु गरिएको बताए ।

उनले आफू मन्त्री हुनसाथ पुल निर्माणका लागि बहुवर्षे स्रोत सहमति गर्नका लागि मन्त्रालयले निर्णय गरेर योजना आयोग र अर्थ मन्त्रालयमा पठाएको बताए । अर्थ मन्त्रालयमा बहुवर्षे ठेक्काको स्रोत सहमतिका लागि कार्यविधि बनाउनु पर्नेमा क्याविनेटले कार्यविधि पास गरीसकेको बताए । उनले पुरानो पुल प्राविधिक समस्याले गर्दा कानुनी झमेलामा फसेकोले नयाँ पुल निर्माणको प्रक्रिया थालिएको बताए ।

मन्त्री समक्ष आफ्ना कुरा राख्दै बारबर्दिया नगरपालिकाका नगरप्रमुख छबिलाल थारुले धेरै मन्त्रीहरू आएर जब्दीघाटको पुल अनुगमन गरेपनि बजेट विनियोजन गरेपनि कार्यन्वयन हुन नसकेको बताए । सरकारले अघिल्लो आर्थिक बर्ष देखि बजेट विनियोजन गरेपनि बर्दियाको जब्दीघाटको पुल निर्माण प्रक्रिया अझै सुरु भएको छैन । पुल निर्माणका लागि चालु आर्थिक बर्षमा ११ करोड रकम विनियोजन गरेको छ । पुलको लागत एक अर्ब १ करोड २९ लाख लाग्ने अनुमान गरिएको सडक डिभिजन कार्यालय नेपालगञ्जका प्रमुख नरेन्द्र भट्टले बताए ।

पप्पु कन्ट्रक्सनले निर्माणको जिम्मा लिएर निर्माण भई हस्तान्तरण नहुँदै वि.स. २०७४ सालको बाढीले बबई नदिको जब्दीघाटको पुल भासिएपछि स्थानीयवासीको खुसी निराशामा परिणत भएको थियो । भासिएपनि जोखिम मोलेर साना सवारी साधन र मानिसहरू यात्रा गरिरहेका थिए तर २०७९ सालको बाढीले पुललाई पुर्णरुपमा बगाएपछि स्थानीयवासीहरू डुङ्गामा जोखिमपूर्ण यात्रा गर्न बाध्य भएका छन् । मन्त्री घिसिङले बर्दियामा कर्णाली नदी तटबन्ध, सिचाई, पूल लगाएतका विभिन्न स्थानको अनुगमन गरेका थिए । त्यसैगरी बर्दियाका दौलतपुर र कैलालीको टिकापुर नगरपालिका जोड्ने झोलुङ्गे पुल सिलन्यास गरेका थिए ।

यो समाचारमा

बर्दिया7 more

ट्यागहरू

#पक्की पुल #निर्माण #भौतिक पूर्वाधार तथा यातायात र शहरी विकासमन्त्री कुलमान घिसिङ #पुनः निर्माण #कुलमान घिसिङ #पुल #बर्दिया #निर्माणको कार्य #निर्माण व्यवसाय #सहरी विकास मन्त्रालय #भूमि व्यवस्था, सहकारी तथा गरिबी निवारण मन्त्रालय #बारबर्दिया नगरपालिका

यो खबर पढेर तपाईलाई कस्तो महसुस भयो ?

कुल मतदान: 0

सम्बन्धित समाचार

कालापानी र सुस्तामा मात्रै नक्सांकन बाँकी छ- परराष्ट्रमन्त्री खनाल

काठमाडौँ।परराष्ट्रमन्त्री शिशिर खनालले नेपाल र भारतबीच कालापानी क्षेत्र र सुस्तामा मात्रै नक्सांकन गर्न बाँकी रहेको बताएका छन्। बुधबार प्रतिनिधि सभाको बैठकमा बोल्दै मन्त्री खनालले सुस्ता, लिम्पियाधुरा, कालापानी र लिपुलेक बाहेकका अधिकांश क्षेत्रमा सीमा सम्बन्धी काम भइसकेको जानकारी दिए।प्रधानमन्त्री बालेन्द्र शाह (बालेन)को हालैको अभिव्यक्ति र भारत भ्रमणबारे प्रष्टीकरण दिँदै मन्त्री खनालले