वित्तीय अपराधमा संलग्न समूहबाट प्रधानमन्त्री र ममाथि आक्रमण भइरहेको छ- अर्थमन्त्री वाग्ले

सजिलो पत्रिका

२०८३ जेठ २७, बुधबार ०९:४५

अर्थमन्त्री स्वर्णिम वाग्लेले ठूलो वित्तीय अपराधमा संलग्न समूहले आफू र प्रधानमन्त्रीमाथि नियोजित आक्रमण गरिरहेको दाबी गरेका छन्।
सरकारले गम्भीर वित्तीय अपराधको छानबिन गरिरहेको र उक्त मुद्दा केही दिनमै अदालत पुग्ने उनले बताएका छन्।
सांसदहरूलाई स्वार्थ समूहको प्रभावमा नपर्न र संसदको गरिमा जोगाउन आग्रह गर्दै वित्तीय सुशासनका प्रयासमा अवरोध भइरहेको संकेत गरेका छन्।

समाचार सारांशGenerated using AI.

काठमाडौँ।

अर्थमन्त्री डा. स्वर्णिम वाग्लेले नेपाली इतिहासकै ठूलो वित्तीय अपराधमा संलग्न समूहले आफू र प्रधानमन्त्रीमाथि नियोजित रूपमा घेराबन्दी र आक्रमण गरिरहेको दाबी गरेका छन्। बुधबार प्रतिनिधि सभाको अर्थ समितिमा बजेट सम्बन्धी छलफलका क्रममा उनले यस्तो धारणा राखेका हुन्।

मन्त्री वाग्लेले सरकारले हाल ठूलो वित्तीय अपराधको छानबिन गरिरहेको र केही दिनमै यो विषय अदालत पुग्ने जानकारी दिए। "हामीले गरिरहेको छानबिनबाट रुष्ट भएका समूह र उनीहरूबाट पालित पोसित व्यक्तिहरूले प्रधानमन्त्री र ममाथि आक्रमण गरिरहेको मेरो शंका छ," उनले भने।

उनले सार्वभौम संसदका सदस्यहरूलाई यस्ता समूहका कुराबाट प्रभावित नहुन र लहलहैमा लागेर संसदको गरिमा कमजोर नपार्न समेत आग्रह गरे। सरकारले वित्तीय सुशासन कायम गर्न खोज्दा स्वार्थ समूहहरूले अवरोध सिर्जना गर्न खोजेको उनको संकेत थियो।

यो समाचारमा

ट्यागहरू

#प्रतिनिधि सभा बैठक #डा. स्वर्णिम वाग्ले

यो खबर पढेर तपाईलाई कस्तो महसुस भयो ?

कुल मतदान: 0

सम्बन्धित समाचार

महालेखाको प्रतिवेदन देखाउँदै ज्ञानेन्द्र शाहीले भने– 'अर्थमन्त्रीले संसद्‍मा झुटो बोले'

काठमाडौँ।राष्ट्रिय प्रजातन्त्र पार्टी (राप्रपा) का सांसद ज्ञानेन्द्र शाहीले अर्थमन्त्री डा. स्वर्णिम वाग्लेले विद्युतीय गाडी (ईभी) आयातमा भएको अर्बौँको कर छली र अनियमिततालाई ढाकछोप गरेको आरोप लगाएका छन्। बिहीबार संसद् बैठकमा बोल्दै शाहीले अर्थमन्त्रीले संसद्‍मा उभिएर झुटो बोलेको दाबी गरे।महालेखा परीक्षकको प्रतिवेदनलाई प्रमाणका रूपमा प्रस्तुत गर्दै शाहीले ईभी गाडीहरूको मोटर क्षमतामा