सजिलो पत्रिका
२०८३ जेठ १७, आइतबार ११:१०
स्वास्थ्य तथा खाद्य स्वच्छता मन्त्री निशा मेहताले 'विश्व सुर्तीजन्य पदार्थरहित दिवस' का अवसरमा सुर्तीजन्य पदार्थको सेवन त्याग्न सबैमा आग्रह गरेकी छन्। आज एक सन्देश जारी गर्दै उनले सुर्तीजन्य पदार्थको लत त्याग्न दृढ इच्छाशक्ति र परिवारको साथ आवश्यक रहेको बताउँदै यसका लागि मन्त्रालयले आवश्यक सहयोग र परामर्श उपलब्ध गराउने प्रतिबद्धता जनाइन्।
मन्त्री मेहताले आधुनिक र आकर्षक देखिने नाममा प्रयोग भइरहेका भेप (ई-सिगरेट) र हुक्का परम्परागत सुर्ती जस्तै हानिकारक हुने भन्दै यसको प्रलोभनमा नपर्न युवा पुस्तालाई सचेत गराइन्। "विभिन्न स्वाद र आकर्षक प्याकेजिङमार्फत सामाजिक सञ्जालमा भइरहेको भ्रमपूर्ण बजारीकरणले किशोरकिशोरीलाई कुलतमा फसाउँदैछ, यसप्रति सबै गम्भीर हुनुपर्छ," उनले भनिन्।
तथ्याङ्कअनुसार नेपालमा करिब २९ प्रतिशत मानिसले सुर्तीजन्य पदार्थ सेवन गर्ने गरेका छन् भने यसकै कारण वार्षिक ३९ हजारभन्दा बढीको मृत्यु हुने गरेको छ। मन्त्री मेहताले सुर्तीजन्य पदार्थ नियन्त्रण र नियमनसम्बन्धी कानुनको प्रभावकारी कार्यान्वयनमा सरकारले जोड दिएको उल्लेख गरिन्। नेपालमा आज ‘सुर्तीजन्य पदार्थ र निकोटिनका नयाँ रूपको भ्रम चिरौँ; कुलतबाट टाढा बसौँ, स्वस्थ जीवन रोजौँ’ भन्ने नाराका साथ यो दिवस मनाइँदैछ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।भोजपुरबाट निर्वाचित प्रतिनिधि सभा सदस्य ध्रुवराज राईविरुद्ध ६ सय वटा बाँदर मारेको अभियोगमा प्रहरीमा उजुरी परेको छ। ललितपुरस्थित ‘स्नेहाज केयर’ का रूपक कोइरालाले राईले एक अन्तर्वार्तामा बाँदर मारेको स्वीकार गरेको दाबी गर्दै जिल्ला प्रहरी कार्यालय भोजपुरमा जाहेरी दिएका हुन्।जाहेरीमा राईले टेम्केमैयुङ गाउँपालिकाको अध्यक्ष हुँदा बाँदर मारेको र यो कार्य राष्ट्रिय
लोड भइरहेको छ...
Loading brands...
