सजिलो पत्रिका
२०८३ जेठ २३, शनिबार ०८:४५
भोजपुरबाट निर्वाचित प्रतिनिधि सभा सदस्य ध्रुवराज राईविरुद्ध ६ सय वटा बाँदर मारेको अभियोगमा प्रहरीमा उजुरी परेको छ। ललितपुरस्थित ‘स्नेहाज केयर’ का रूपक कोइरालाले राईले एक अन्तर्वार्तामा बाँदर मारेको स्वीकार गरेको दाबी गर्दै जिल्ला प्रहरी कार्यालय भोजपुरमा जाहेरी दिएका हुन्।
जाहेरीमा राईले टेम्केमैयुङ गाउँपालिकाको अध्यक्ष हुँदा बाँदर मारेको र यो कार्य राष्ट्रिय निकुञ्ज तथा वन्यजन्तु संरक्षण विभाग ऐनविपरीत भएको उल्लेख गर्दै १ देखि १० वर्षसम्म कैद र ५ लाखसम्म जरिवानाको माग गरिएको छ। तर, भोजपुरका डीएसपी राजु लामाले भने यो विषय डिभिजन वन कार्यालयको क्षेत्राधिकारमा पर्ने र पर्याप्त भौतिक प्रमाण (हड्डी वा छाला) बिना बोलेकै भरमा उजुरी दर्ता गर्न नसकिने बताएका छन्। "हचुवाको भरमा उजुरी दर्ता गर्दै मान्छे थुन्ने हो भने त्यो 'रुल अफ ल' नभई 'हुल अफ ल' हुन्छ," डीएसपी लामाले भने।
श्रम संस्कृति पार्टीका सांसद राईले संसदमा पनि बाँदर आतंकका कारण किसानहरू विस्थापित हुनुपरेको भन्दै नियन्त्रणका लागि ठोस नीतिको माग गर्दै आएका छन्। यस विषयमा प्रधानमन्त्री बालेन्द्र शाह (बालेन)ले सरकारले कार्यदल बनाएर अन्तर्राष्ट्रिय अभ्यासहरूबारे अध्ययन गरिरहेको जानकारी गराएका थिए।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।टिकटकमा 'नेपाली ब्रो' का रूपमा चर्चित कुमार थापा आफ्नै श्रीमतीको हत्या गरेको आरोपमा पक्राउ परेका छन्। काठमाडौंको तारकेश्वर नगरपालिका–६ लोलाङ पैँयुटारमा शुक्रबार राति घरायसी विवादका क्रममा उनले श्रीमती ईश्वरी भुजेललाई फलामको रडले प्रहार गरेका थिए।प्रहरीका अनुसार राति १० बजेतिर भएको उक्त आक्रमणबाट गम्भीर घाइते भएकी ईश्वरीलाई उपचारका लागि शिक्षण अस्पताल
लोड भइरहेको छ...
Loading brands...
