काठमाडौँधितोपत्र बजारमा आज नेप्से परिसूचक १०.०७ अङ्कले घट्दै २ हजार ७ सय ३०.१७ विन्दुमा पुगेको छ। ठूला कम्पनीहरूको कारोबार मापन गर्ने सेन्सेटिभ परिसूचक पनि ०.३४ अङ्कले घटेर ४६७.२० विन्दुमा सीमित भएको छ।
आज कुल ३३७ कम्पनीका ७९ लाख ५८ हजार ७५२ कित्ता शेयर ३ अर्ब २९ करोड २ लाख ४४ हजार ६१९ रुपैयाँ बराबरमा खरिद–बिक्री भएका छन्। कारोबार रकमका आधारमा हिमालयन रिइन्स्योरेन्स, साहस ऊर्जा, एसवाई प्यानल नेपाल, युनियन हाइड्रोपावर र माउन्टेन इनर्जी नेपाल अग्रस्थानमा रहेका छन्।
यस्तै, आज युनियन हाइड्रोपावर, क्रेस्ट माइक्रो लाइफ इन्स्योरेन्स, एनआईबीएल स्टेबल फण्ड, एनएमबी हाइब्रिड फण्ड र हिमालयन–८० का लगानीकर्ताले नाफा कमाएका छन्। भने एसियन हाइड्रोपावर, हिमालयन इन्स्योरेन्स, नारायणी डेभलपमेन्ट बैंक, रिजलाइन इनर्जी र भुजुङ हाइड्रोपावरका लगानीकर्ताले घाटा बेहोरेका छन्।
