सजिलो पत्रिका
२०८३ वैशाख २७, आइतबार १६:३८
काठमाडौँ
नेपाली कम्युनिष्ट पार्टी (नेकपा) का संयोजक तथा पूर्वप्रधानमन्त्री पुष्पकमल दाहाल ‘प्रचण्ड’ ले नेपालको राष्ट्रिय स्वाधीनता इतिहासकै सबैभन्दा अप्ठ्यारो अवस्थामा पुगेको बताएका छन्। २६औँ निर्मल लामा स्मृति दिवसका अवसरमा आइतबार काठमाडौँमा आयोजित कार्यक्रममा बोल्दै उनले यस्तो धारणा व्यक्त गरेका हुन्।
प्रचण्डले नेपालबाट कम्युनिस्ट आन्दोलन समाप्त पार्न देशी तथा विदेशी प्रतिक्रियावादी शक्तिहरू योजनाबद्ध रूपमा लागेको आरोप लगाए। उनले यो वास्तविकतालाई स्वीकार गरेर कम्युनिस्ट शक्तिहरू एकताबद्ध भएर अघि बढ्नुपर्ने आवश्यकता रहेको बताए।
उनका अनुसार कम्युनिस्ट आन्दोलनभित्र रहेका कमजोरीहरूको समीक्षा गर्दै सुधार गर्नुपर्ने बेला आएको छ। उनले सिंगो कम्युनिस्ट आन्दोलनलाई नयाँ ढंगले एकताबद्ध गरेर अघि बढ्नुको विकल्प नरहेको उल्लेख गरे।
प्रचण्डले जेनजी आन्दोलन र भदौ २३–२४ पछिका राजनीतिक घटनाक्रमले राष्ट्रिय स्वाधीनतामाथि संकट थपिएको दाबी गरे। यद्यपि ती घटनाभित्रै कम्युनिस्ट एकताको सकारात्मक आधार रहेको उनको भनाइ थियो।
कार्यक्रममा उनले नेकपा (मसाल) का महामन्त्री मोहन विक्रम सिंहलाई कम्युनिस्ट एकताको पहलमा अभिभावकीय भूमिका निर्वाह गर्न आग्रह पनि गरे।
पूर्वप्रधानमन्त्री दाहालले वर्तमान सरकारले गरिब, श्रमिक तथा निमुखा वर्गमाथि बढी पीडा दिएको आरोप लगाए। उनले श्रमजीवी वर्गको हित र वर्गीय पक्षधरतालाई मजबुत बनाउन कम्युनिस्ट एकता आवश्यक रहेको बताए।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।अर्थमन्त्री डा. स्वर्णिम वाग्लेले मुलुकमा व्याप्त नीतिगत तथा संस्थागत कब्जा (Policy Capture) अन्त्य गर्न सरकार अझ निर्मम ढंगले अघि बढ्ने चेतावनी दिएका छन्। शुक्रबार काठमाडौंमा आयोजित एक कार्यक्रममा बोल्दै उनले वर्तमान सरकार कुशासनबाट आजित नागरिक र व्यवसायीको जनादेशका आधारमा बनेकाले सुशासनका लागि ठूला सुधारका कदम चालिरहेको बताए।मन्त्री वाग्लेले सरकारले बजेटमार्फत
लोड भइरहेको छ...
Loading brands...
