सजिलो पत्रिका
२०८२ पुस १८, शुक्रबार १४:०३
गृहमन्त्री ओमप्रकाश अर्यालले भूकम्प सुरक्षा दिवसलाई औपचारिक कार्यक्रममा मात्र सीमित नराखी परिणाममुखी बनाउन निर्देशन दिएका छन् । २८औँ भूकम्प सुरक्षा दिवस मूल समारोह समितिको बैठकलाई सम्बोधन गर्दै उनले विपद् जोखिम न्यूनीकरणका लागि प्रभावकारी कार्यान्वयन अहिलेको मुख्य चुनौती भएको बताए ।
"हाम्रा कार्यक्रमहरू परिणाममुखी होऊन्, भाषणमुखी होइनन्," मन्त्री अर्यालले भने, "यसलाई विद्यालय, अस्पताल, समुदायसम्म पुर्याएर दीर्घकालीन जनचेतना अभियानको रूपमा रूपान्तरण गर्नुपर्छ ।" उनले विद्यालय र युवालाई केन्द्रमा राख्न, स्थानीय तहको सक्रिय सहभागिता सुनिश्चित गर्न र सुरक्षा निकाय तथा समुदायबीच कृत्रिम अभ्यास (मक ड्रिल) लाई प्राथमिकता दिन निर्देशन दिए ।
गृहमन्त्री अर्यालले भवन संहिता कार्यान्वयनमा कुनै सम्झौता नगर्न र सुरक्षित नेपाल निर्माणका लागि सबैको साझा प्रयास आवश्यक रहेकोमा जोड दिए ।
बैठकले यस वर्षको भूकम्प सुरक्षा दिवसको नारा ‘सबै तहको सरकार, सबै नागरिकको तयारी: भूकम्प उत्थानशील नेपाल अबको जिम्मेवारी’ तय गरेको छ । साथै, माघ २ गते हुने मूल समारोहमा प्रमुख अतिथिका रूपमा प्रधानमन्त्री सुशीला कार्कीलाई आमन्त्रण गर्ने निर्णय पनि गरेको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।नेपाल कम्युनिष्ट पार्टी (एमाले)का अध्यक्ष एवं पूर्वप्रधानमन्त्री खड्गप्रसाद शर्मा ओलीले सरकारद्वारा गठित 'सम्पत्ति जाँचबुझ तथा छानबिन आयोग' लाई बयान नदिने र सम्पत्ति विवरण पनि नबुझाउने घोषणा गरेका छन्। पार्टीको एक कार्यक्रममा बोल्दै ओलीले आयोगलाई मान्यता नदिने चेतावनी दिँदै भने, "अरू कसैले बयान दिए पनि मचाहिँ दिन्नँ, विवरण पनि भरेर पठाउँदिनँ।
Loading brands...
