सजिलो पत्रिका
२०८२ मंसिर १५, सोमबार १०:०५
जनता समाजवादी पार्टी, नेपालका अध्यक्ष उपेन्द्र यादवले हरेक आन्दोलन र परिवर्तनको नेतृत्व गर्दै आएका युवाहरूले अब सत्ताको पनि नेतृत्व गर्न पाउनुपर्नेमा जोड दिएका छन्। समाजवादी युवा संघ, मधेस प्रदेशले जनकपुरधाममा आयोजना गरेको 'युवा नेतृत्व र सशक्तिकरण' सम्मेलनलाई सम्बोधन गर्दै उनले यस्तो बताएका हुन्।
अध्यक्ष यादवले देशमा भएका हरेक राजनीतिक परिवर्तन र आन्दोलनमा युवाहरूले अग्रपंक्तिमा रहेर नेतृत्व गरेको र बलिदान (शहादत) समेत दिएको स्मरण गराए। "विश्वको कुनै पनि आन्दोलन युवाहरूको सहभागिताविना सम्भव भएको छैन," उनले भने, "त्यसैले आन्दोलनको मोर्चामा मात्र नभई देश चलाउने सत्ताको नेतृत्वमा पनि युवाहरू आउनुपर्छ।"
उनले युवालाई उमेरले मात्र नभई सोच र चिन्तनले पनि युवा हुनुपर्ने धारणा राखे। अग्रगामी र क्रान्तिकारी सोच बोक्ने व्यक्ति मात्रै सच्चा युवा कहलाउन सक्ने उनको भनाइ थियो। उनले युवाहरूलाई देशको भविष्य निर्माणका लागि प्रगतिशील विचारका साथ अघि बढ्न आग्रह गरे।
जसपा नेपालले आसन्न प्रतिनिधि सभाको निर्वाचन र संघर्षलाई सँगसँगै अगाडि बढाउने नीति लिएको छ। सोहीअनुरूप, यो सम्मेलनमार्फत पार्टीले निर्वाचन केन्द्रित तयारीका लागि युवाहरूलाई प्रशिक्षित गर्ने लक्ष्य राखेको बताइएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।अमेरिकाबाट नेपाल फर्किँदै गरेका गोरखाका ७३ वर्षीय श्यामहरि महरहट्टाको त्रिभुवन अन्तर्राष्ट्रिय विमानस्थलमा अवतरण गरेको जहाजभित्रै मृत्यु भएको छ। टर्किस एयरलाइन्सको जहाजमार्फत आज बिहान काठमाडौं आइपुगेका उनी जहाजभित्रै अचेत अवस्थामा फेला परेका थिए।विमानस्थल कार्यालयका प्रवक्ता सञ्जय कुमारका अनुसार अचेत भेटिएका महरहट्टालाई तत्काल उपचारका लागि अस्पताल लगिए पनि चिकित्सकले मृत घोषणा गरेका
लोड भइरहेको छ...
Loading brands...
