सजिलो पत्रिका
२०८३ जेठ १७, आइतबार २०:०९
नेपालले समूह चरणको अन्तिम खेलमा श्रीलंकालाई २–० ले पराजित गर्दै समूह ‘ए’ को विजेताका रूपमा सेमिफाइनलमा स्थान सुरक्षित गरेको छ। भारतको गोवास्थित जवहारलाल नेहरु रंगशालामा आइतबार भएको खेलमा नेपालका लागि कप्तान रेनुका नगरकोटे र स्ट्राइकर रश्मीकुमारी घिसिङले समान एक–एक गोल गरे।
खेलको पहिलो हाफको इन्जुरी समयमा रश्मीकुमारी घिसिङले गोल गर्दै नेपाललाई सुरुवाती अग्रता दिलाइन्। त्यसपछि ६२औँ मिनेटमा कप्तान रेनुका नगरकोटेले सुन्दर ‘चिप’ गोलमार्फत नेपालको जित सुनिश्चित गरिन्। यसअघि भुटानलाई १–० ले हराएको नेपालले दुई खेलबाट ६ अंक जोड्दै समूह चरणमा शतप्रतिशत नतिजा निकालेको हो।
हारसँगै श्रीलंका अंकविहीन बन्दै प्रतियोगिताबाट बाहिरिएको छ। अब नेपालले सेमिफाइनलमा समूह ‘बी’ को उपविजेतासँग प्रतिस्पर्धा गर्नेछ। नेपालको यो लगातार दोस्रो जितले टोलीको उच्च मनोबल प्रदर्शन गरेको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।मलेसियामा जारी एसीसी महिला प्रिमियर कपको आफ्नो पहिलो खेलमा नेपालले जितका लागि ७७ रनको सामान्य लक्ष्य पाएको छ। टस हारेर पहिले ब्याटिङको निम्तो पाएको कतारले १६.५ ओभरमा सबै विकेट गुमाउँदै ७६ रन मात्र बनाउन सक्यो।कतारका लागि ओपनर गेटरुडे चन्दिरुले सर्वाधिक २५ रन जोडिन् भने कप्तान आइशाले १० रन बनाइन्। अन्य
लोड भइरहेको छ...
Loading brands...
