सजिलो पत्रिका
२०८२ मंसिर ११, बिहिबार १४:५९
काठमाडौँ
बाजुरामा देउडा गीत, नृत्य केवल मनोरञ्जनको माध्यम मात्र होइन, स्थानीय पहिचान र सांस्कृतिक अस्तित्वको जिवन्त अभिव्यक्ति बनेर जगेर्ना हुँदै आएको छ ।
स्थानीय भाषा समुदायमा सृजना भएका देउडा गीतले समयक्रममा अत्यधिक लोकप्रियता कमाउँदै यस क्षेत्रभन्दा बाहिर समेत गहिरो प्रभाव छाडेको छ ।
दशैं, तिहार, भुवापर्व, गौरा पर्व, मेला, पुतला, रत्यौलीदेखि विवाह उत्सवसम्म लगभग सबै सांस्कृतिक तथा धार्मिक अवसरमा देउडा प्रस्तुति अनिवार्यझैँ मानिन्छ । एकल रूपमा गाइने देउडा अहिले समूहमा ‘डेढ कदम’ मेलाउँदै गोलो घेरामा प्रस्तुत गरिने अनोठो शैलीका कारण अझ प्रभावकारी बन्दै गएको छ ।
देउडा शब्दको उत्पत्तिबारे गाँउघरमा विभिन्न व्याख्या गरिरहेको पाइन्छन् । संस्कृत भाषाको देउंदुराय शब्दबाट देउदुरा हुँदै देउडा बनेको मानिन्छ, भने कतिपय विद्वानले नृत्यको चाल र प्रस्तुती शैलीका आधारमा यसको नामकरण भएको धारणा प्रस्तुत गर्छन् ।
बाजुरामा कुनै पनि मेला–पर्व, सामूहिक उत्सव वा खुसियाली बिना देउडा गीत पूरा नहुने मान्यता छ । बाजुरेली पहिरन, स्थानीय बोली–भाषा र भाकाले देउडालाई अझ मौलिक र आकर्षक बनाइदिन्छ ।
स्थानीयले आफ्नो दुःख, सुख, जीवनका अनुभव, सामाजिक अवस्थादेखि पारिवारिक कथा–व्यथासम्म देउडाका ओल्काहरूमा पोख्ने परम्परा अझै बलियो छ ।
यही कारण देउडा केवल गीत, नृत्य नभई सामुदायिक भावनाको दर्पण पनि मानिएको छ । आधुनिक गीत, संगीतका जति नै नवीन शैली बजारमा आए पनि बाजुरेली समुदाय देउडाप्रति समान भावनात्मक सम्बन्ध राख्दै आएका छन् । ‘आजै शुरु भएजस्तो नयाँ उर्जा’ लिएर देउडामा रमाउने गर्छन् यहाँका बासिन्दा, जसले परम्परागत संस्कृतिलाई वर्तमान पुस्तासम्म जोडिदिने काम गरेको छ ।
देउडा गीतको भिडियोले पनि त्यही सांस्कृतिक समृद्धि उजागर गरेको छ । भिडियोमा देखिएको स्थानीय पोशाक, सामूहिक नृत्य, तालमेलपूर्ण डेढ कदम र मौलिक भाका यस परम्पराको जीवन्तता र भव्यताको प्रमाणित उदाहरण बनेका छन् । आधुनिक प्रविधि र डिजिटल माध्यमको प्रसारसँगै बाजुरेली देउडाको पहिचान राष्ट्रिय मात्र होइन, अन्तर्राष्ट्रिय स्तरसम्म पुग्ने सम्भावना अझ प्रबल बन्दै गएको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । राष्ट्रिय स्वतन्त्र पार्टी(रास्वपा) की सांसद रञ्जु न्यौपानेले मुलुकमा बढ्दै गएको साइबर अपराध र प्रविधिमार्फत हुने वित्तीय ठगीप्रति सरकारको ध्यानाकर्षण गराएकी छन्। प्रतिनिधि सभाको बैठकमा बोल्दै उनले सामाजिक सञ्जाल ह्याक गरी सर्वसाधारणको रकम लुट्ने गिरोहलाई तत्काल कारबाही गर्न माग गरिन्।सांसद न्यौपानेले ह्वाट्सएप ह्याक गरी आफन्तबाट पैसा असुलिएका र बैंक खाताबाट
लोड भइरहेको छ...
Loading brands...
