सजिलो पत्रिका
२०८२ कात्तिक १२, बुधबार १६:३९
काठमाडौँ
हाल देशभरि मौसममा सामान्य बदलीको अवस्था देखिएको छ भने उच्च हिमाली भूभागमा हिमपात भइरहेको छ। मौसमविद्हरूका अनुसार यो मौसमी घटना विशेषगरी उच्च पहाडी क्षेत्रमा दृष्यात्मक प्रभाव देखिएको छ। हिमाली क्षेत्रमा भइरहेका हिमपातले ती क्षेत्रका स्थानीय जनजीवन, यातायात र दैनिक क्रियाकलापमा प्रभाव पार्ने सम्भावना रहेको छ।
मौसमविद्हरूले यस मौसमी परिर्वतनको मुख्य कारण भारतको आन्ध्र प्रदेश हुँदै नेपालतर्फ प्रवेश गरेको ‘मन्था’ नामक आँधी भएको जानकारी दिएका छन्। यस आँधीको प्रभावले वायुमण्डलमा चिसोपन बढाउने र विभिन्न भूभागमा बदली र वर्षा–हिमपात हुने सम्भावना बढाएको छ।
विशेषगरी उच्च हिमाली भूभागमा निरन्तर हिमपात भइरहेकोले ती क्षेत्रका यातायात मार्ग बन्द हुने जोखिम पनि बढेको छ। स्थानीय प्रशासनले सुरक्षा तथा यात्रा सचेतना सम्बन्धी सूचना जारी गर्न थालेका छन्। कृषिजन्य काम र पशुपालनमा पनि प्रभाव पर्न सक्ने भएकाले सम्बन्धित क्षेत्रका किसान र स्थानीयवासी सचेत रहनुपर्ने चेतावनी दिइएको छ।
मौसमविद्हरूको अनुमानअनुसार ‘मन्था’ आँधीको प्रभाव आगामी शनिबारसम्म देशभर देखा पर्ने छ। यस अवधिमा मौसममा फेरबदल हुने, बदली रहने र उच्च हिमाली भूभागमा हिमपात हुने सम्भावना छ। नागरिकहरूले मौसम अनुसारको तयारी गर्नुपर्ने र जोखिमयुक्त क्षेत्रहरूमा यात्रा वा बाहिर निस्कनमा सतर्क रहन सुझाव दिइएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।नेपाल लेयर्स कुखुरापालक सङ्घले अण्डाको फार्म समर्थन मूल्य पुनः बढाएको छ। सङ्घको बैठकले आजैदेखि लागू हुने गरी नयाँ दररेट तय गरेको हो, जसअनुसार एक्सएल (XL) अण्डाको मूल्य प्रतिक्रेट ५६० रुपैयाँ पुगेको छ।नयाँ मूल्यसूची अनुसार ठूलो अण्डा प्रतिक्रेट ५४५ रुपैयाँ, मध्यम ५१५ रुपैयाँ र सानो अण्डा प्रतिपेटी तीन हजार रुपैयाँ कायम
लोड भइरहेको छ...
Loading brands...
