सजिलो पत्रिका
२०८३ जेठ ०४, सोमबार १७:३४
सरकारले समस्याग्रस्त घोषित सहकारीका साना बचतकर्ताहरूको रकम फिर्ता गर्ने प्रक्रिया आजदेखि औपचारिक रूपमा सुरु गरेको छ। समस्याग्रस्त सहकारी व्यवस्थापन समितिले पहिलो दिन कान्तिपुर, शिव शिखर र पशुपति सहकारीका गरी कुल ३ सय ७८ जना साना बचतकर्ताको रकम फिर्ता गरेको हो।
समितिका अनुसार कान्तिपुरका २ सय १५, शिव शिखरका १ सय ५६ र पशुपतिका ७ जनाले आफ्नो बचत फिर्ता पाएका छन्। हाल ५ लाख रुपैयाँभन्दा कम बचत भएका 'साना बचतकर्ता' लाई प्राथमिकतामा राखिएको छ। कुल ७६ हजार बचतकर्ताको करिब ४६ अर्ब रुपैयाँ फिर्ता गर्नुपर्ने दायित्व रहेकोमा ५ लाखभन्दा बढी बचत गर्नेहरूको संख्या १८ हजार मात्र रहेको समितिले जनाएको छ।
भूमि व्यवस्था, सहकारी तथा गरिबी निवारणमन्त्री प्रतिभा रावलले बचत फिर्तासँगै ऋणीहरूबाट ऋण असुल्ने कामलाई पनि तीव्र पारिएको जानकारी दिइन्। ऋणीहरूको नाम सार्वजनिक भएपछि हालसम्म २ करोड रुपैयाँभन्दा बढी ऋण असुली भइसकेको छ। समितिले अब क्रमशः बचतको आधारमा वर्गीकरण गर्दै सबै बचतकर्ताको रकम फिर्ता गर्ने योजना बनाएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।नेपाल लेयर्स कुखुरापालक सङ्घले अण्डाको फार्म समर्थन मूल्य पुनः बढाएको छ। सङ्घको बैठकले आजैदेखि लागू हुने गरी नयाँ दररेट तय गरेको हो, जसअनुसार एक्सएल (XL) अण्डाको मूल्य प्रतिक्रेट ५६० रुपैयाँ पुगेको छ।नयाँ मूल्यसूची अनुसार ठूलो अण्डा प्रतिक्रेट ५४५ रुपैयाँ, मध्यम ५१५ रुपैयाँ र सानो अण्डा प्रतिपेटी तीन हजार रुपैयाँ कायम
लोड भइरहेको छ...
Loading brands...
