सजिलो पत्रिका
२०८२ पुस ०३, बिहिबार १४:५२
काठमाडौँ
चीनले कृत्रिम बुद्धिमत्ता (एआई) प्रविधिमा आधारित ट्राफिक प्रहरी रोबोट सञ्चालनमा ल्याएको छ । चीनको पूर्वी प्रविधि केन्द्र झेजियाङ प्रान्तको हाङ्झोउ शहरमा एआई प्रविधियुक्त रोबोट ट्राफिक प्रहरीले औपचारिक रूपमा काम सुरु गरेको हो ।
“हाङसिङ नम्बर–१” नाम दिइएको यो ट्राफिक रोबोटलाई हाङ्झोउ सहरको ट्राफिक प्रहरीको रणनीतिक इकाइसँग सहकार्य गरेर विकास गरिएको हो । चौडा काँध, बेसबल क्याप र एआई अपरेटिङ सिस्टमसहित तयार गरिएको यो रोबोटले हात फैलाएर सवारी साधन तथा पैदलयात्रीलाई संकेतमार्फत निर्देशन दिन्छ र आवाजमार्फत ट्राफिक नियम पालना गर्न आग्रह गर्छ ।
उच्च क्षमताका क्यामेरा र सेन्सर जडान गरिएको यो रोबोटले ट्राफिक र पैदलयात्रीले गर्ने सामान्य नियम उल्लङ्घनलाई रियल–टाइममै पहिचान गर्न सक्छ । नियम उल्लङ्घन भएको खण्डमा रोबोटले तुरुन्तै आवाजमार्फत चेतावनी दिने गर्छ । एक पैदलयात्रीका अनुसार, आधा मिटरभन्दा कम दूरीमै रेखा नाघ्दा पनि रोबोटले तुरुन्तै सचेत गराएको थियो ।
जसले यसको छिटो प्रतिक्रिया क्षमताको पुष्टि गर्छ । त्यस्तै, एक मोटरसाइकल चालकले रोबोट देख्नासाथ अनायासै प्रतीक्षा रेखामा रोकिने बानी परेको भन्दै यसले प्रहरी जनशक्तिको खर्च कम गर्न सहयोग गर्ने र भविष्यमा यस्तो प्रविधि सामान्य बन्ने विश्वास व्यक्त गरे ।
ट्राफिक नियम उल्लङ्घन पहिचान गर्नुका साथै यो रोबोट ट्राफिक सिग्नल प्रणालीसँग समन्वयमा काम गर्दै मानव प्रहरीलाई सवारी व्यवस्थापन र सडकमा अनुशासन कायम राख्न सहयोग गर्छ । प्रहरी अधिकारी झाङ वान्झेका अनुसार, हाल यो रोबोट दुईवटा मोडमा सञ्चालन भइरहेको छ ।
सडकको बीच भागमा उभिएर सवारी निर्देशन दिने र चोक–चौराहामा मार्गदर्शन गर्ने । अहिले परीक्षण चरणमा रहेको यो एआई ट्राफिक व्यवस्थापन रोबोटलाई आगामी दिनमा ठूलो भाषा मोडेल प्रविधिसहित अझ उन्नत बनाइने विकासकर्ताहरूले बताएका छन् । जसले यसलाई अझ व्यापक र प्रभावकारी आवाजीय अन्तरक्रिया गर्न सक्षम बनाउनेछ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।प्रधानमन्त्री बालेन्द्र शाह (बालेन)का राजनीतिक सल्लाहकार एवं संविधान संशोधन कार्यदलका संयोजक असिम शाहले व्यवसायीहरूलाई निर्धक्क भएर लगानी र व्यवसाय सञ्चालन गर्न आग्रह गरेका छन्। प्रधानमन्त्री कार्यालयमा निजी क्षेत्रका प्रतिनिधिहरूसँगको छलफलमा उनले सरकारले कुनै पनि व्यवसायीलाई लक्षित गरी धरपकड नगरेको र केवल आपराधिक गतिविधिमा संलग्नहरूमाथि मात्र कानुनी कारबाही भइरहेको स्पष्ट पारे।संयोजक
Loading brands...
