सजिलो पत्रिका
२०८२ कात्तिक २४, सोमबार १५:१५
सञ्चार तथा सूचना प्रविधिमन्त्री जगदीश खरेलले एइआईका कुरालाई आत्मासाथ गरेर अगाडि बढ्न सकेमा सुशासन कायम गर्न र भ्रष्टाचार नियन्त्रण गर्न सजिलो हुने बताएका छन् ।
सोमबार मन्त्रालयमा राष्ट्रिय एआई केन्द्रको उद्घाटन गर्दै उनले जेनजी आन्दोलनमा उठेका भ्रष्टाचार, सुशासन, रोजगारी र नवप्रवद्र्धनको सबै कुरा एआइले नै समेट्ने बताउँदै यसलाई सरकारको सारथी र जनताको उद्देश्य प्राप्तको लागि प्रयोग गर्नुपर्नेमा जोड दिए ।
उनले भने,‘अब एआई, डिजिटल युगमा नेपाल अगाडि ब्ढयो । जनतालाई पनि यसैमा समाहित गर्दै डिजिटल रुपान्तरणको बाटोमा अगाडि जाँदै छौं । त्यसको आइओएम बनाउँदैछौं । यो ऐतिहासिक पहल हो । जेनजी आन्दोलनमा उठेका कुरा भ्रष्टाचार, सुशासन,रोजगारी र नवप्रवद्र्धनको सबै कुरा एआईले नै समेट्ने छ । एइआईका धेरै कुरा आत्मासाथ गरेर अगाडि बढ्यौं भने सुशासन कायम गर्न सजिलो हुन्छ । भ्रष्टाचार नियन्त्रणको काम गर्न सजिलो हुन्छ । त्यसैले यसलाई सरकारको पनि सारथी र जनताको उद्देश्य प्राप्तको लागि प्रयोग गर्न सक्छौं । सरकार अब आधुनिकताको बाटोमा अगाडि बढ्दैछ ।’
त्यस्तै उनले एआई केन्द्रको सुरुवात एउटा कोठाबाट सरल ढंगले गरेको बताए । आधुनिक बाटोको पहिलो पाहिलाको रुपमा एआई केन्द्र सुरु गरेको भन्दै उनले यसलाई निरन्तर अगाडि बढाउने प्रतिबद्धता व्यक्त गरे ।
‘आज हामीले एआई केन्द्रको सुरुवात एउटा कोठाबाट गरेको छौं । यो हामीले सरल ढंगबाट सुरु गरेका छौं । अबको ५० वर्षपछि यो कतिको वृहत, विस्तृत होला र कति आधुनिक होला भन्नेमा अघि बढेका छौं । त्यसको पहिलो पाइलाका रुपमा सानो कोठाबाट सुरु गरेको छौं । यो सुरुवात भएको कुरालाई निरन्तर अगाडि बढाउने छौं ।’
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।नेपाल कम्युनिष्ट पार्टी (एमाले)का अध्यक्ष एवं पूर्वप्रधानमन्त्री खड्गप्रसाद शर्मा ओलीले सरकारद्वारा गठित 'सम्पत्ति जाँचबुझ तथा छानबिन आयोग' लाई बयान नदिने र सम्पत्ति विवरण पनि नबुझाउने घोषणा गरेका छन्। पार्टीको एक कार्यक्रममा बोल्दै ओलीले आयोगलाई मान्यता नदिने चेतावनी दिँदै भने, "अरू कसैले बयान दिए पनि मचाहिँ दिन्नँ, विवरण पनि भरेर पठाउँदिनँ।
Loading brands...
