मधेश प्रदेश विपत्त बेवस्थापन समितिको बैठक सम्पन्न

सजिलो पत्रिका

२०८२ कात्तिक १२, बुधबार १७:४२

मधेश प्रदेशका मुख्यमन्त्री जितेन्द्र सोनलको नेतृत्वमा पहिलो प्रदेश विपद् व्यवस्थापन समितिको बैठक सम्पन्न भएको छ, जहाँ मोन्था चक्रवात र मौसम बदलीको संभावित असरको समीक्षा गरिएको छ।
बैठकले नदी तटबन्ध क्षेत्रमा रहेका बस्तीहरूको सुरक्षित व्यवस्थापन गर्न तीनै तहको सरकार र सुरक्षा निकायलाई खटाउने र स्थानीयवासीलाई सुरक्षित स्थानमा स्थानान्तरण गर्ने निर्णय गरेको छ।
मुख्यमन्त्री सोनलले गैरसरकारी संस्था, युवा समूह र नागरिकलाई जोखिमयुक्त स्थानमा फसेकाहरूलाई सहयोग गर्न अपिल गरेका छन् र विपत्तिको समयमा सबैसँग सहकार्य गर्न आग्रह गरेका छन्।

समाचार सारांशGenerated using AI.

काठमाडौँ

मधेश प्रदेशका नवनियुक्त मुख्यमन्त्री जितेन्द्र सोनलको नेतृत्वमा पहिलो प्रदेश विपद् व्यवस्थापन समितिको बैठक सम्पन्न भएको छ। बैठकमा जल तथा मौसम पूर्वानुमान शाखाले भोलि बिहीबारदेखि देशभर मौसममा बदली हुने र मोन्था चक्रवातको असर पर्न सक्ने जानकारी प्रस्तुत गरेको थियो। साथै, राष्ट्रिय विले सात बुँदे अनुरोधमार्फत सतर्क रहन सबै नागरिकलाई आग्रह गरेको छ।

बैठकको मुख्य उद्देश्य मधेश प्रदेशमा चक्रवात र खराब मौसमको संभावित प्रभावको समीक्षा र जोखिम न्यूनीकरणका उपाय तय गर्नु थियो। यस क्रममा प्रदेशभरका सम्बन्धित निकायका पदाधिकारीहरू उपस्थित रहेका थिए र संभावित विपत्तिबाट स्थानीयवासीलाई सुरक्षित राख्न आवश्यक तयारीहरूमा छलफल गरिएको थियो।

बैठक पश्चात मुख्यमन्त्री सोनलले सञ्चारकर्मीहरूलाई जानकारी दिँदै तीनै तहको सरकार र सुरक्षा निकायलाई खटाएर जोखिम न्यूनीकरण गर्न निर्देशन दिएको बताए। उनले नदीका तटबन्ध क्षेत्रमा रहेका बस्तीहरूको सुरक्षित व्यवस्थापन गर्न सम्बन्धित सबै निकायलाई जिम्मेवारी दिने निर्णय भएको पनि उल्लेख गरे।

सोनलले गैरसरकारी संस्था, युवा क्लब र युवाहरूलाई जोखिमयुक्त स्थानमा फसेकाहरूलाई सहयोग गर्न अपिल गरे। साथै, प्रदेशभरिका नागरिकलाई कुनै समस्या आएमा नजिकको सुरक्षा निकाय, प्रहरी चौकी वा गृहमन्त्रालयसँग सम्पर्क गर्न सुझाव दिए। उनले विपत्तिको समयमा एक अर्कासँग सहकार्य गर्दै अगाडि बढ्न सबैलाई आग्रह पनि गरे।

यो समाचारमा

ट्यागहरू

#जितेन्द्र सोनल #राष्ट्रिय विपद् जोखिम न्यूनीकरण तथा व्यवस्थापन प्राधिकरण #मधेश प्रदेश #बैठक

यो खबर पढेर तपाईलाई कस्तो महसुस भयो ?

कुल मतदान: 0

सम्बन्धित समाचार

प्रधानमन्त्री शाहको हाजिरी खोज्दै हर्क साम्पाङ

काठमाडौँ।श्रम संस्कृति पार्टीका अध्यक्ष हर्कराज साम्पाङ राईले प्रतिनिधि सभाको बैठकमा प्रधानमन्त्री बालेन्द्र शाह (बालेन) को उपस्थिति (हाजिरी) बारे प्रश्न उठाएका छन्। प्रतिनिधिसभा नियमावलीको नियम ४ लाई उद्धृत गर्दै साम्पाङले प्रधानमन्त्रीले बैठकमा हाजिरी जनाए/नजनाएको स्पष्ट पार्न माग गरेका हुन्।साम्पाङले भने, "प्रधानमन्त्रीज्यूले यहाँ आउँदा हाजिर गर्नुभएको छ कि छैन? यदि उहाँले हाजिर