सजिलो पत्रिका
२०८३ जेठ ०२, शनिबार १६:०२
मधेश प्रदेशका मुख्यमन्त्री कृष्ण यादवले आगामी जेठ ८ गते विश्वासको मत लिने तयारी गरिरहेका बेला उपेन्द्र यादव नेतृत्वको जनता समाजवादी पार्टी, नेपालभित्र मतभेद देखिएको छ। मुख्यमन्त्रीलाई समर्थन गर्ने वा नगर्ने विषयमा पार्टीभित्र दुई धार देखिएपछि निर्णय प्रक्रिया अन्योलमा परेको हो।
शुक्रबार बसेको जसपा नेपालको मधेस प्रदेश संसदीय दलको बैठकले विश्वासको मत दिने वा नदिनेबारे कुनै निष्कर्ष निकाल्न सकेन। निर्णय हुन नसकेपछि मुख्यमन्त्री यादवले विश्वासको मत लिने कार्यतालिका समेत हेरफेर गर्नुपरेको बताइएको छ।
जसपा नेपालका २६ जना प्रदेशसभा सदस्यहरूमध्ये अधिकांशले अहिले सरकारमा सहभागी हुन नहुने धारणा राखेका छन्। केही सांसदले सरकारमा जानैपर्ने अवस्था आए नेतृत्व भने आफ्नै पार्टीले गर्नुपर्ने अडान राखेका छन्।
बैठकमा पूर्वमुख्यमन्त्री लालबाबु राउत, मनिष सुमन, राजु गुप्ता र रानी शर्मा तिवारीलगायत नेताहरूले वर्तमान सरकारलाई निरन्तरता दिनुपर्ने धारणा राखेका थिए। सरकार परिवर्तनको समय नभएको भन्दै उनीहरूले नीति तथा कार्यक्रम र बजेट कार्यान्वयनलाई प्राथमिकता दिनुपर्ने बताएका छन्।
तर पार्टीभित्रकै केही नेताहरूले भने मुख्यमन्त्री कृष्ण यादव नेतृत्वको सरकारले अपेक्षित काम गर्न नसकेको आरोप लगाएका छन्। पूर्वमुख्यमन्त्री सरोज यादवले सरकारले तय गरिएका योजना र लक्ष्यअनुसार काम गर्न नसकेको टिप्पणी गरे।
यसैबीच जसपा नेपाल र लोसपा नेपालबीच एकता प्रक्रिया अघि बढेपछि मधेस प्रदेशमा संसदीय दलको नेता बन्न विभिन्न नेताहरू सक्रिय भएका छन्। अन्तिम निर्णय भने केन्द्रको निर्देशनअनुसार हुने नेताहरूको भनाइ छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।महोत्तरीको सोनमा गाउँपालिका-३ खखनामा मंगलबार राति डाँका समूहले गोली प्रहार गर्दा एक दम्पती घाइते भएका छन्। स्थानीय राम विश्वास यादवको घरमा चोरी गर्न आएको समूहसँग प्रतिवाद गर्ने क्रममा उनका ज्वाइँ ईश्वर यादव र छोरी किरण यादवलाई गोली लागेको हो।जिल्ला प्रहरी कार्यालय महोत्तरीका प्रवक्ता डीएसपी पञ्चलाल गोलेका अनुसार घाइते दुवै जनाको
Loading brands...
