सजिलो पत्रिका
२०८२ चैत २५, बुधबार १४:४१
काठमाडौँ
सञ्चार तथा सूचना प्रविधि मन्त्री डा. विक्रम तिमिल्सिना र विश्व बैंकका उच्चस्तरीय प्रतिनिधिबिच सिंहदरवारस्थित मन्त्रालयमा शिष्टाचार भेटवार्ता सम्पन्न भएको छ। बुधबार भएको उक्त भेटमा विश्व बैंकका दक्षिण एसिया क्षेत्र अन्तर्गत माल्दिभ्स, नेपाल र श्रीलङ्का हेर्ने निर्देशक डेभिड सिस्लेनसहितको टोलीले मन्त्री तिमिल्सिनालाई बधाई दिँदै आपसी सहयोग र आगामी सहकार्यका विषयमा छलफल गरेको हो।
भेटका क्रममा नेपालको सूचना प्रविधि क्षेत्रको विकास र डिजिटल रूपान्तरणसँग सम्बन्धित विषयमा विस्तृत छलफल भएको छ। विश्व बैंकका निर्देशक सिस्लेनले नेपालमा कार्यान्वयनको चरणमा रहेको ‘नेपाल: डिजिटल ट्रान्सफरमेसन प्रोजेक्ट’ लाई तीव्रता दिनुपर्ने विषयमा चासो व्यक्त गरेका छन्।
उनले उक्त परियोजनाले सरकारको शासकीय सुधारको कार्यसूचीलाई प्रभावकारी बनाउन सहयोग पुग्ने विश्वास व्यक्त गर्दै सूचना प्रविधिको पहुँच विस्तार, डाटा व्यवस्थापन, मिडिया साक्षरता र शासकीय सुधारका क्षेत्रमा निरन्तर सहकार्य गर्ने प्रतिबद्धता जनाए।
यता, सञ्चारमन्त्री डा. तिमिल्सिनाले विश्व बैंकले नेपालको विकासमा पुर्याउँदै आएको सहयोगप्रति धन्यवाद व्यक्त गर्दै डिजिटल ट्रान्सफरमेसन प्रोजेक्टलाई प्रभावकारी रूपमा अघि बढाइने स्पष्ट पारे। उनले पूर्वाधार विकास र नागरिक सेवा प्रवाहलाई नतिजामुखी बनाउने सरकारको प्राथमिकता रहेको बताउँदै विगतका कमजोरी सुधार गरी नयाँ ढङ्गले अघि बढ्ने प्रतिबद्धता जनाए।
उक्त भेटघाटमा मन्त्रालयका सूचना प्रविधि महाशाखा प्रमुख आदेश खड्का, परराष्ट्र मन्त्रालयका प्रतिनिधि तथा विश्व बैंकका अन्य पदाधिकारीहरूको पनि उपस्थिति रहेको थियो।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।मलेसियाको रोजगारी छाडेर स्वदेशमै व्यावसायिक माछापालनमा लागेका कञ्चनपुरका विजयकुमार चौधरी 'राष्ट्रिय उत्कृष्ट कृषक पुरस्कार' बाट सम्मानित भएका छन्। लालझाँडी गाउँपालिका–४ का चौधरीलाई हालै राष्ट्रपति रामचन्द्र पौडेलले २ लाख रुपैयाँ राशिको पुरस्कारसहित सम्मान गरेका हुन्।विगत ७ वर्षदेखि ३ बिघा जमिनमा माछा पोखरी बनाएर व्यवसाय गरिरहेका चौधरीले वार्षिक ४५ क्विन्टल माछा बिक्री
Loading brands...
