सजिलो पत्रिका
२०८२ चैत १८, बुधबार ०९:४०
ढोरपाटन । बागलुङको ढोरपाटन क्षेत्रमा फैलिएको दादुरा संक्रमण पूर्ण रूपमा नियन्त्रणमा आउन सकेको छैन। खोप अभियान सञ्चालन गरिएपछि नयाँ बिरामीको संख्या घटे पनि संक्रमणको जोखिम अझै कायम छ।
फागुन ८ गतेबाट सुरु भएको संक्रमण ढोरपाटन नगरपालिका–७, ८ र ९ मा देखिएको थियो। त्यसपछि स्वास्थ्यकर्मीहरूको टोलीले प्रभावित क्षेत्रमा पुगेर खोप अभियान चलायो। फागुन २९ देखि चैत २ गतेसम्म १० देखि १९ वर्ष उमेर समूहका झण्डै छ हजार बालबालिका तथा किशोरकिशोरीलाई खोप लगाइएको छ।
हालसम्म १३ जनामा संक्रमण पुष्टि भएको छ भने २०५ जना शंकास्पद बिरामीको निगरानी भइरहेको छ। ३३ जनाको नमूना परीक्षणका लागि काठमाडौँ पठाइएको छ। चार जना बिरामी अस्पतालमा उपचाररत छन्।
स्वास्थ्य अधिकारीका अनुसार संक्रमणको गति घटे पनि पूर्ण नियन्त्रणका लागि अझै सतर्कता आवश्यक छ। तमानखोला गाउँपालिकामा समेत शंकास्पद बिरामी देखिएपछि पश्चिम बागलुङका अन्य पालिकामा पनि खोप विस्तार गर्ने तयारी गरिएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँअमेरिकी रोग नियन्त्रण तथा रोकथाम केन्द्र (सीडीसी) ले पूर्वी र मध्य अफ्रिकामा देखिएको इबोला प्रकोपका कारण संयुक्त राज्य अमेरिका प्रवेशमा अस्थायी कडाइ गर्ने निर्णय गरेको छ। यो निर्णय कानुनी स्थायी बासिन्दा (ग्रीन कार्ड धारक) सहित अन्य यात्रुहरूमा पनि लागू हुने बताइएको छ।सीडीसीका अनुसार प्रजातान्त्रिक गणतन्त्र कङ्गो, युगान्डा र दक्षिण सुडानमा
लोड भइरहेको छ...
Loading brands...
