सजिलो पत्रिका
२०८२ पुस १८, शुक्रबार ०८:०७
पोखराका अधिकांश क्षेत्रमा आज (पुस १८) देखि चार दिनसम्म दैनिक पाँच घण्टा विद्युत् आपूर्ति बन्द हुने भएको छ । नेपाल विद्युत प्राधिकरणको कुँडहर सबस्टेसनमा स्तरोन्नतिको काम हुने भएकाले बिजुली काटिन लागेको हो ।
प्राधिकरणको पोखरा ग्रिड महाशाखाका अनुसार, पुस १८ देखि २१ गतेसम्म हरेक दिन बिहान ६ बजेदेखि ११ बजेसम्म विद्युत् आपूर्ति बन्द हुनेछ । कुँडहर सबस्टेसनको १३२ केभीको 'बसबार' मर्मत गर्नुपर्ने भएकाले पोखराको विजयपुरदेखि हरिचोकसम्मका सम्पूर्ण क्षेत्रमा विद्युत् अवरुद्ध हुने पोखरा वितरण केन्द्रले जनाएको छ ।
तोकिएको समयभन्दा अगाडि काम सकिएमा विद्युत् छिटो आउन सक्ने पनि प्राधिकरणले बताएको छ । मर्मत कार्य सकिएपछि विद्युत् आपूर्ति नियमित र भरपर्दो हुने विश्वास लिइएको छ ।
पोखरालाई ताररहित बनाउन महानगरको आग्रह
यसैबीच, पोखरा महानगरपालिकाले सहरलाई ताररहित बनाउने योजनामा सहकार्य गर्न इन्टरनेट सेवा प्रदायकहरूलाई आग्रह गरेको छ । विद्युत् प्राधिकरणले पोखराको २३ किलोमिटर क्षेत्रमा तार भूमिगत गर्ने योजना अघि बढाएकाले सोही संरचनामा इन्टरनेट र टेलिफोनका तार पनि भूमिगत गर्न महानगरले छलफल थालेको हो । महानगरले पोलहरूमा अव्यवस्थित रूपमा रहेका अनावश्यक तारहरू तत्काल हटाउन पनि सेवा प्रदायकहरूलाई निर्देशन दिएको छ ।
यो खबर पढेर तपाईलाई कस्तो महसुस भयो ?
कुल मतदान: 0
गण्डकी । विश्वमा हिमाल आरोहणको जेठो हिमालका रूपमा चासो र चर्चा कमाएको अन्नपूर्ण हिमालको आरोहण भएको दिन जुन ३ ले पोखरासहित समग्र गण्डकी प्रदेशको पर्यटनमा महत्त्वपूर्ण स्थान ओगट्ने गरेको छ ।गण्डकीलाई विश्वव्यापी रूपमा पहिचान गराउन महत्त्वपूर्ण भूमिका निर्वाह गरेको उक्त हिमालको आरोहण दिवस आज विभिन्न कार्यक्रमका साथ मनाइँदैछ । सन्
Loading brands...
