सजिलो पत्रिका
२०८२ पुस ०२, बुधबार १४:१६
काठमाडौँ
मिडिया स्पेस सोलुसन्स प्रा.लि. र फ्युचरेक्स ट्रेड फेयर एण्ड इभेन्ट्स प्रा.लि.को संयुक्त आयोजनामा बृहत् अन्तर्राष्ट्रिय प्रदर्शनी ‘११औँ नेपाल वुड इन्टेरनेशनल एक्स्पो तथा नेपाल फर्निचर एक्स्पो २०२५’ आयोजना हुने भएको छ ।
उक्त प्रदर्शनी यही पुष ४, ५ र ६ गते काठमाडौंको भृकुटीमण्डपमा आयोजना हुनेछ । प्रदर्शनीमा इन्टेरियर, फर्निचर, प्लाइउड, ल्यामिनेट, होम टेक्सटायल, हार्डवेयर, काष्ठसम्बन्धी मेसिनरी तथा औजार, फर्निसिङ, म्याट्रेस, कच्चा पदार्थ तथा उत्पादनहरूसँग सम्बन्धित स्वदेशी तथा विदेशी ख्यातिप्राप्त ब्राण्डहरूका १०० भन्दा बढी स्टलहरू रहनेछन् ।
फर्निचर, प्लाइउड तथा काठ औजार उत्पादक कम्पनीहरू, ल्यामिनेट तथा विभिन्न कम्पनीका डिलर, सब–डिलर र विक्रेताहरूले काठ व्यवसायसँग सम्बन्धित उत्पादन र नवीन प्रविधिबारे जानकारी गराउने उद्देश्यले विगत १० वर्षदेखि यो प्रदर्शनी महत्वपूर्ण प्लेटफर्मको रूपमा स्थापित हुँदै आएको आयोजकले जनाएको छ ।
यस ११ औँ संस्करणको प्रदर्शनीमार्फत विश्वभर ख्यातिप्राप्त कम्पनी तथा ब्राण्डका अत्याधुनिक प्रविधि र सामग्रीलाई नेपाली बजार तथा स्वदेशी उद्योगमा प्रयोगमा ल्याउने पहल गरिएको छ । यसले साना देखि ठूला उद्योगसम्मलाई प्रयोग भइरहेका मेसिनरी तथा प्रविधिको स्तरोन्नति गरी उत्पादनलाई अझ प्रभावकारी बनाउन सहयोग पुग्ने अपेक्षा गरिएको छ ।
प्रदर्शनीमा नेपाल हस्तकला महासंघ, सामुदायिक वन उपभोक्ता महासंघ, नेपाल वन पैदावार उद्योग व्यवसायी महासंघ, नेपाल प्लाइउड उत्पादक संघ तथा इन्टेरियर डिजाइनर एसोसिएसन नेपाल सहयोगी संस्थाको रूपमा रहेका छन् ।
इन्टेरियर डिजाइनर एसोसिएसन नेपालका विज्ञहरूद्वारा नवीनतम प्रविधि, इन्टेरियर डिजाइन, फर्निचरलगायत विविध विषयमा आधारित दुई दिने सेमिनार तथा गोष्ठी कार्यक्रमसमेत आयोजना गरिनेछ ।
यस प्रदर्शनीले नेपालमा काठ, फर्निचर तथा इन्टेरियर क्षेत्रको विकास र आधुनिकीकरणमा महत्वपूर्ण योगदान पु¥याउने विश्वास लिइएको छ। प्रदर्शनीमा घर निर्माण गर्न चाहने सर्वसाधारणदेखि दिग्गज आर्किटेक्ट, इन्जिनियर तथा इन्टेरियर डिजाइनरहरूको उल्लेखनीय सहभागिता रहनेछ ।
नयाँ प्रविधिका सामग्री भित्र्याउने र विदेशमा सफलतापूर्वक प्रयोग भएका प्रविधिलाई नेपाली बजारमा सहज उपलब्ध गराउने माध्यमको रूपमा यो प्रदर्शनी महत्वपूर्ण हुने आयोजकको दाबी छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।राष्ट्रिय स्वतन्त्र पार्टी (रास्वपा) को जारी जिल्ला अधिवेशनअन्तर्गत आज (शनिबार) देशभरका ३८ जिल्लामा नयाँ नेतृत्व चयनका लागि मतदान तथा प्रक्रिया अघि बढेको छ। पार्टीलाई तदर्थ संरचनाबाट पूर्ण वैधानिक र जनअनुमोदित संरचनामा रूपान्तरण गर्ने उद्देश्यका साथ यो अभियान सुरु गरिएको हो।केन्द्रीय निर्वाचन आयोगका अनुसार आज काठमाडौँ, भक्तपुर, झापा, मोरङ, कास्की, बाँके
लोड भइरहेको छ...
Loading brands...
