सजिलो पत्रिका
२०८२ कात्तिक १९, बुधबार १५:३५
राष्ट्रिय स्वतन्त्र पार्टी (रास्वपा) का प्रमुख सचेतक सन्तोष परियारले जेन–जी आन्दोलन “नेपो किड”का सबै घटनाको जिम्मेवारी राजनीतिक दलले नै लिनुपर्ने बताएका छन् ।
बुधबार राष्ट्रिय एकताको लागि नागरिक पहलद्वारा आयोजित ‘राष्ट्रहित सर्वोपरि सम्मेलन २०८२’ अन्तर्गत ‘बदलिँदो राजनीति ः सच्चिदै कि सक्किदै दल ?’ विषयमा आयोजित बहस कार्यक्रममा बोल्दै उनले जनताको भावना अनुसार काम गर्न नसक्दा हालको जटिल अवस्था जन्मिएको स्पष्ट पारे ।
उनले भने, ‘जेनजी आन्दोलनको घटनाको सबै जिम्मेवारी हामी राजनीतिक दलहरूले नै लिनुपर्छ । पाँच महिनामै पार्टी खोलेर यहाँसम्म आउनु चमत्कार नै हो । जनताले विश्वास गरेर हामीलाई अघि सारे, तर हामीले उनीहरूको माग पूरा गर्न सकेनौँ।’
परियारका अनुसार भ्रष्टाचार, नाताबाद–कुशासन र असक्षम नेतृत्वविरुद्ध जनताले कठोर प्रतिक्रिया जनाए पनि दलहरूले सुधारको गतिलाई तीव्र बनाउन सकेनन् ।
‘हामी सबै राम्रो गरेका छौँ भन्ने दाबी गर्दिन। अनुशासन र स्पष्ट विचारविना राजनीति सफल हुँदैन भन्ने हामी मान्छौँ,’ परियारले भने ।
जनताले लामो समयदेखि आफू र आफ्नै पुस्तालाई राज्य प्रणालीले बाँधेर राखेको महसुस गरेको उल्लेख गर्दै उनले जेनजी आन्दोलनको मूल मर्म परिवर्तनको चाहना भएको बताए ।
‘एकै व्यक्ति पटक–पटक नेतृत्वमा बस्नु हुँदैन भन्ने धारणा जेनजीले स्थापित गरिदियो । दलहरूले राज्य संस्थामा लगाइरहेको ढोकछोप प्रणाली पनि खारेज गरिदियो,’ उनले थपे । उनले जेनजी आन्दोलनले पुरानो राजनीतिक अभ्यासलाई अस्वीकृत मात्र गरेको र अब नयाँ व्यवस्था स्थापित गर्ने जिम्मा राजनीतिक दलकै भएको बताए ।
‘भ्रष्टाचार, नातावाद, कुशासन–सबै कुरा जनताले खारेज गरिसके । अब स्थापित गर्ने काम हाम्रो हो । देश र जनताको हितमा हामी सबैसँग सहकार्य गर्न तयार छौँ,’ परियारले स्पष्ट पारे ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।भन्सार छलेर नेपाल भित्र्याइएको आशङ्कामा सशस्त्र प्रहरी बलले ७४ वटा विद्युतीय सवारीसाधन नियन्त्रणमा लिएको छ।मुस्ताङको कोरोला नाकाबाट भित्रिएका ती गाडीहरू मंगलबार राति मुस्ताङको जोमसोम, पर्वतको कुस्मा र कास्कीको हेम्जाबाट बरामद गरिएको हो। सशस्त्र प्रहरी बलका प्रवक्ता विष्णुप्रसाद भट्टका अनुसार नियन्त्रणको लागि नं. ३ गुल्म मुस्ताङ, म्याग्दी गुल्म, नं. २५ चण्डिका
Loading brands...
