सजिलो पत्रिका
२०८२ कात्तिक १५, शनिबार १६:४५
‘पहिला देश’ नामक संगठनले देशमा पारदर्शिता, न्याय र जनउत्तरदायित्वको सुनिश्चितताका लागि आइतबार माइतीघर मण्डलामा दवावमूलक कार्यक्रम गर्ने घोषणा गरेको छ। शनिबार आयोजित पत्रकार सम्मेलनमा संगठनका संयोजक एस.पी. शाहले देशभरका नागरिक, विद्यार्थी, श्रमिक तथा परिवर्तनका पक्षधरहरूलाई कार्यक्रममा सहभागी हुन आह्वान गरे। संगठनले यो आन्दोलनलाई जनसरोकारका विषयमा केन्द्रित गर्दै शासन प्रणालीमा सुधार ल्याउने दीर्घकालीन अभियानको रूपमा अघि बढाइरहेको बताएको छ।
संगठनले हालको राजनीतिक, आर्थिक र प्रशासनिक विकृति तथा विसंगतिलाई अन्त्य गर्नुपर्ने आवश्यकता औंल्याएको छ। यसको मुख्य उद्देश्य पारदर्शी शासन र जनमुखी राज्य संरचना निर्माण गर्न जनदबाब सृजना गर्नु रहेको बताइएको छ। विज्ञप्तिमा जनताको हकहित विपरीत चलिरहेको प्रणाली र गैरजवाफदेहीताले देशलाई संकटमा पारेको उल्लेख गर्दै यसविरुद्ध शान्तिपूर्ण तर प्रभावकारी आन्दोलन अघि बढाइने भनिएको छ।
संगठनका प्रमुख मागहरूमा देशभरका सबै सरकारी कार्यालयमा ‘पारदर्शिता डेस्क’ स्थापना गरी सेवाप्रवाहमा खुलापन र नागरिक निगरानी सुनिश्चित गर्नुपर्ने, सहिद परिवारलाई तत्काल राहत उपलब्ध गराउनुपर्ने, र आन्दोलनका क्रममा घाइते भएकालाई रोजगारीको अवसर प्रदान गर्नुपर्ने माग समावेश छन्। साथै, मिटर ब्याज, लघुवित्तको अत्याचार, राहत कोषको दुरुपयोग, र घर–जग्गा लिलामीजस्ता आर्थिक अन्याय तुरुन्त रोक्न सरकारलाई आग्रह गरिएको छ।
त्यसैगरी, संगठनले संविधान परिमार्जन सभा तत्काल गठन गरी विगतका आन्दोलनका उपलब्धिहरूलाई संस्थागत गर्नुपर्नेमा जोड दिएको छ। साथै, गौरीबहादुर कार्की र अन्य विवादास्पद मुद्दाहरूमा सत्य छानबिन गर्न, र आन्दोलनका क्रममा दमन गर्ने तत्कालीन प्रधानमन्त्री, गृहमन्त्री लगायत जिम्मेवार व्यक्तिहरूलाई पक्राउ गरी निष्पक्ष अनुसन्धान तथा कारबाही गर्नुपर्ने माग गरिएको छ। संयोजक शाहका अनुसार आइतबारको कार्यक्रममा जनदबाब सृजना गर्दै पारदर्शी, न्यायपूर्ण र जनमुखी शासन प्रणालीका लागि निरन्तर संघर्ष गरिनेछ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।सशस्त्र प्रहरी बल नेपालले भन्सार छलेको आशङ्कामा मुस्ताङको कोरोला नाकाबाट भित्रिएका ७७४ वटा विद्युतीय सवारीसाधन नियन्त्रणमा लिएको छ । मुस्ताङको जोमसोम, पर्वतको कुस्मा र कास्कीको हेम्जाबाट गएराति ती गाडी नियन्त्रणमा लिइएको सशस्त्र प्रहरी बलका प्रवक्ता विष्णुप्रसाद भट्टले राससलाई जानकारी दिनुभयो । गाडी नियन्त्रणमा लिन सशस्त्र प्रहरी बल नेपाल नं ३३ गुल्म मुस्ताङ,
Loading brands...
