सजिलो पत्रिका
२०८२ साउन ०२, शुक्रबार ०९:४७
काठमाडौँ ।
पारिस्थितिक प्रणालीमा भ्यागुताको महत्त्व र संरक्षणको आवश्यकताप्रति सचेतना जगाउने उद्देश्यले सिमरामा एक दिवसीय कार्यक्रम सम्पन्न भएको छ । नेचर कन्भर्सेसन एन्ड रिसर्च सेन्टरको आयोजनामा श्री नेपाल राष्ट्रिय माध्यमिक विद्यालयको परिसरमा सम्पन्न कार्यक्रममा विशेषगरी कक्षा १२ मा अध्ययनरत विज्ञान समूहका विद्यार्थीहरूले सहभागिता जनाएका थिए ।
कार्यक्रमको सुरुवात भ्यागुताको जीवनचक्र, वर्गीकरण, पहिचान र जैविक महत्त्वबारे जानकारीमूलक प्रस्तुतीकरणबाट गरिएको थियो । विज्ञहरूले नेपालको तराई भूभागमा पाइने विभिन्न प्रजातिका भ्यागुता र उनीहरूले सामना गरिरहेका चुनौतीहरूमाथि प्रकाश पारेका थिए । वासस्थान विनाश, कीटनाशकको अन्धाधुन्ध प्रयोग र पानीको प्रदूषण जस्ता कारणले भ्यागुताको अस्तित्व संकटमा पर्दै गएकोबारे विद्यार्थीहरूलाई जानकारी गराइयो ।
कार्यक्रमले विशेषगरी चुरे क्षेत्रको जैविक विविधता र भ्यागुताको वासस्थानबीचको गहिरो सम्बन्धमाथि प्रकाश पारेको थियो । मधेश प्रदेश हुँदै फैलिएको चुरे पर्वत श्रृंखलामा रहेका साना खोला, झरना, दलदल र सिमसारजस्ता क्षेत्रहरू भ्यागुता जस्ता उभयचर प्रजातिका लागि अत्यन्तै उपयुक्त प्रजनन स्थल र वासस्थान भएको स्पष्ट पारिएको थियो । संरक्षणमा स्थानीय समुदाय, विद्यार्थी र वातावरणमैत्री अभ्यासको भूमिकाबारे पनि छलफल गरिएको थियो ।
कार्यक्रमलाई थप प्रभावकारी र रोचक बनाउन भ्यागुतासम्बन्धी एक वृत्तचित्र प्रदर्शन गरिएको थियो, जसले विद्यार्थीहरूमा गहिरो प्रभाव पारेको देखिन्थ्यो । कार्यक्रमको अन्त्यमा, सहभागीहरूलाई 'नेपालका तराई क्षेत्रका भ्यागुता' शीर्षकको जानकारीमूलक पोस्टरहरू वितरण गरिएको थियो । ती पोस्टरहरू विद्यालयमा राखेर अन्य विद्यार्थीहरूलाई पनि जानकारी प्रवाह गर्न मद्दत पुग्ने विश्वास लिइएको छ ।
सेभ द फ्रग्स! (Save The Frogs!), बायोडाइभर्सिटी रिसर्च एन्ड कन्जर्भेसन सोसाइटी (BRACSON) र केटीएडमसन कन्जर्भेसन फन्ड (KACF) को सहकार्यमा सम्पन्न भएको यस कार्यक्रमले आफूहरूलाई प्रकृति र जीवजन्तुप्रति थप संवेदनशील बनाएको सहभागी विद्यार्थीहरूले बताए । आयोजकहरूले यस्ता कार्यक्रमले भविष्यका वैज्ञानिक र संरक्षणकर्मीहरूलाई प्रेरणा दिने विश्वास व्यक्त गरेका छन् ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।महोत्तरीको सोनमा गाउँपालिका-३ खखनामा मंगलबार राति डाँका समूहले गोली प्रहार गर्दा एक दम्पती घाइते भएका छन्। स्थानीय राम विश्वास यादवको घरमा चोरी गर्न आएको समूहसँग प्रतिवाद गर्ने क्रममा उनका ज्वाइँ ईश्वर यादव र छोरी किरण यादवलाई गोली लागेको हो।जिल्ला प्रहरी कार्यालय महोत्तरीका प्रवक्ता डीएसपी पञ्चलाल गोलेका अनुसार घाइते दुवै जनाको
Loading brands...
