सजिलो पत्रिका
२०८२ जेठ २६, सोमबार ०७:१६
काठमाडौँ, जेठ २६ ।
प्रमुख प्रतिपक्षी दलको निरन्तरको अवरोधका बीच संघीय संसद् अन्तर्गत प्रतिनिधिसभाको बैठक आज बस्दैछ । आज दिउँसो बस्ने बैठकमा बजेटमाथिको छलफल प्रारम्भ गर्ने महत्त्वपूर्ण कार्यसूची भए पनि संसद सुचारु हुनेमा भने अनिश्चितता कायमै छ ।
प्रमुख विपक्षीलगायतका प्रतिपक्षी दलको निरन्तर अवरोधका कारण संसद्को बैठक पछिल्ला दिनहरूमा नियमित कार्यसूचीमा प्रवेश गर्न सकेको छैन। ‘भिजिट भिसा’ प्रकरणमा बदमासी भएको भन्दै विपक्षी दलहरूले गृहमन्त्री रमेश लेखकको राजीनामा माग गर्दै लगातार बैठक अवरुद्ध गर्दै आएका छन्। सोही कारण बैठक नियमित कार्यसूचीमा प्रवेश गर्न सकेको छैन।
संसद् सचिवालयका महासचिव पद्मप्रसाद पाण्डेका अनुसार, आजको बैठकको सम्भावित कार्यसूचीमा सभामुखले प्रधानमन्त्री तथा मन्त्रिपरिषद्को कार्यालयबाट प्राप्त कार्यभारसम्बन्धी पत्रहरूको बेहोरा पढेर सुनाउने कार्यक्रम छ ।
त्यसपछि राज्य व्यवस्था तथा सुशासन समितिका सभापति रामहरि खतिवडाले "संघीय निजामती सेवा विधेयक सम्बन्धी समितिको प्रतिवेदन, २०८२" पेस गर्ने कार्यसूची रहेको छ ।
बैठकको सबैभन्दा महत्वपूर्ण कार्यसूचीको रुपमा बजेटमाथिको छलफल रहेको छ । उपप्रधानमन्त्री तथा अर्थमन्त्री विष्णुप्रसाद पौडेलले "आर्थिक वर्ष २०८२/८३ को राजस्व र व्ययको वार्षिक अनुमानमाथि सामान्य छलफल प्रारम्भ गरियोस्" भनी प्रस्ताव प्रस्तुत गर्ने र त्यसमाथि छलफल सुरु हुने सम्भावित कार्यसूचीमा उल्लेख छ ।
संसद्को छैटौँ अधिवेशनको यो २५ औँ बैठक हो । यसअघि पनि विपक्षी दलको अवरोधका कारण बैठकहरू प्रभावित हुँदै आएका छन्, जसले गर्दा महत्वपूर्ण विधेयक र बजेटमाथिको छलफल अघि बढ्न सकेको छैन ।
यो खबर पढेर तपाईलाई कस्तो महसुस भयो ?
कुल मतदान: 0
बारा । राष्ट्रिय स्वतन्त्र पार्टी (रास्वपा) को बारा जिल्लास्तरीय विस्तारित बैठकमा झडपको अवस्था सिर्जना हुदाँ तीन जना घाइते भएका छन् । जिल्ला सभापति चन्दन स्वर्णकारलाई पार्टीले साधारणसदस्य समेत नरहने गरी निष्कासन गरेपछि स्वर्णकार पक्षधरले कलैयास्थित कार्यक्रमस्थलमा नाराबाजी गर्ने क्रममा झडपको अवस्था सिर्जना भएको हो । पार्टी जिल्ला अध्यक्षबाट कारबाहीमा परेका स्वर्णकारले नियोजित
लोड भइरहेको छ...
Loading brands...
