सजिलो पत्रिका
२०८३ जेठ ०१, शुक्रबार १२:२२
काठमाडौँ
प्रमुख विपक्षी दल नेपाली काँग्रेसले पूर्वगृहमन्त्री सुदन गुरुङलाई छानबिन समितिमार्फत उन्मुक्ति दिन खोजिएको आशंका व्यक्त गरेको छ। कांग्रेस संसदीय दलका नेता भीष्म राज आङदेम्बेले सरकारले गठन गरेको छानबिन समितिले निष्पक्ष रूपमा सत्यतथ्य पत्ता लगाउनुको सट्टा गुरुङलाई चोख्याउने प्रयास हुन सक्ने बताएका छन्।
आङ्देम्बेले समितिले राजनीतिक प्रभावमा नपरी स्वतन्त्र र निष्पक्ष छानबिन गर्नुपर्नेमा जोड दिएका छन्। उनले गुरुङमाथि लागेको आरोपको गहिरो अनुसन्धान हुनुपर्ने उल्लेख गर्दै समितिको निष्पक्षतामै यसको विश्वसनीयता निर्भर रहने बताए।
पूर्वगृहमन्त्री गुरुङ विवादित व्यापारी दीपक भट्टसँगको सेयर लगानी तथा आर्थिक सम्बन्धका कारण विवादमा तानिएका थिए। सार्वजनिक आलोचनापछि उनले गत ९ वैशाखमा गृहमन्त्री पदबाट राजीनामा दिएका थिए।
राजीनामापछि सरकारले उच्च अदालतका पूर्वन्यायाधीश अच्युतप्रसाद भण्डारीको नेतृत्वमा तीन सदस्यीय छानबिन समिति गठन गरेको छ। तर, कांग्रेसले उक्त समितिमार्फत वास्तविकता ढाकछोप हुन सक्ने आशंका गरेको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ। राष्ट्रियसभा सदस्यहरूले नेपाल–भारत सीमा समस्या समाधानमा कूटनीतिक प्रयास अपरिहार्य भएको बताएका छन् । सदस्यहरूले राष्ट्रियसभाको आजको बैठकमा नेपाल–भारत सम्बन्धी समस्या समाधान गर्न ऐतिहासिक तथ्य र प्रमाणका आधारमा संवाद गर्न सरकारलाई सुझाव दिएका हुन् । सांसद सुनिलबहादुर थापाले नेपाल–भारत सीमासम्बन्धी विषय दुई देशबीचको संवाद र स्थापित कूटनीतिक संयन्त्रमार्फत समाधान खोजिनुपर्ने बताए ।
Loading brands...
