सजिलो पत्रिका
२०८२ पुस २५, शुक्रबार ०९:४५
गैर‑आवासीय नेपाली संघ राष्ट्रिय समन्वय परिषद् अमेरिका (एनआरएनए एनसीसी यूएसए) ले नेपालका युवा तथा खेलकुदमन्त्री बब्लु गुप्तालाई आफूहरूले कुनै पनि कार्यक्रममा आमन्त्रण नगरेको स्पष्ट पारेको छ ।
एनआरएनए अमेरिकाले बिहीबार एक प्रेस विज्ञप्ति जारी गर्दै आफ्नो संस्थाको आयोजनामा अमेरिकामा कुनै पनि युवा सम्मेलन वा कार्यक्रम आयोजना नभएको जानकारी दिएको हो ।
विज्ञप्तिमा भनिएको छ, “संघले नेपाल सरकारका युवा तथा खेलकुदमन्त्री माननीय बब्लु गुप्तालाई अमेरिकामा कुनै पनि कार्यक्रममा आमन्त्रण नगरेको स्पष्ट पार्दछौँ ।”
एनआरएनए अमेरिकाले आफ्नो संस्थाको नाम, लोगो र वेबसाइटको दुरुपयोग गरी अनधिकृत कार्यक्रम र मानव तस्करी जस्ता गम्भीर गैरकानुनी गतिविधि भइरहेको सूचना प्राप्त भएको भन्दै त्यस्ता गतिविधिमा आफ्नो कुनै संलग्नता नरहेको स्पष्ट पारेको छ ।
संस्थाको आधिकारिक स्वीकृतिबिना गरिएका कुनै पनि कार्यक्रम, भ्रमण वा आर्थिक संकलन पूर्ण रूपमा अवैध ठहरिने विज्ञप्तिमा उल्लेख छ । यसअघि नेपाल सरकारको मन्त्रिपरिषद् बैठकले मन्त्री गुप्तालाई अमेरिकामा हुने एनआरएनए युवा सम्मेलनमा सहभागी हुन स्वीकृति दिएको थियो ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ। राष्ट्रियसभा सदस्यहरूले नेपाल–भारत सीमा समस्या समाधानमा कूटनीतिक प्रयास अपरिहार्य भएको बताएका छन् । सदस्यहरूले राष्ट्रियसभाको आजको बैठकमा नेपाल–भारत सम्बन्धी समस्या समाधान गर्न ऐतिहासिक तथ्य र प्रमाणका आधारमा संवाद गर्न सरकारलाई सुझाव दिएका हुन् । सांसद सुनिलबहादुर थापाले नेपाल–भारत सीमासम्बन्धी विषय दुई देशबीचको संवाद र स्थापित कूटनीतिक संयन्त्रमार्फत समाधान खोजिनुपर्ने बताए ।
Loading brands...
