सजिलो पत्रिका
२०८२ फागुन २०, बुधबार १९:४७
काठमाडौँ
होली पर्वको अवसरमा मादक पदार्थ सेवन गरी सार्वजनिक शान्ति सुरक्षामा खलल पार्ने र निर्वाचन आचारसंहिता उल्लंघन गर्ने कार्यमा संलग्नहरूमाथि रौतहट प्रहरीले निगरानी बढाएको छ ।
यसै क्रममा, होली मनाउने बहानामा मदिरा सेवन गरी उच्छृङ्खल र अराजक गतिविधि गर्ने ६ जनालाई प्रहरीले नियन्त्रणमा लिएको छ । सार्वजनिक स्थलमा जथाभावी रङ दल्ने, होहल्ला गर्ने र सर्वसाधारणलाई सास्ती दिएको आरोपमा उनीहरूलाई पक्राउ गरिएको हो ।
त्यसैगरी, आसन्न निर्वाचनको आचारसंहिता विपरीत सञ्चालन भइरहेका ४० वटा विदेशी नम्बरका सवारी साधनहरू पनि नियन्त्रणमा लिइएको छ । निर्वाचनलाई स्वच्छ र निष्पक्ष बनाउन जारी आचारसंहिता उल्लंघन गर्दै चलाइएका ती साधनहरूलाई विभिन्न सुरक्षा चेकजाँचका क्रममा समातिएको जिल्ला प्रहरी कार्यालयका प्रवक्ता एवं डिएसपी विष्णुप्रदीप वस्यालले बताए ।
उनका अनुसार नियन्त्रणमा लिइएका ६ जना व्यक्ति र ४० वटै सवारी साधनका सम्बन्धमा थप अनुसन्धान भइरहेको छ । प्रहरीले चाडपर्वका बेला कानुन विपरीतका गतिविधि नगर्न र निर्वाचन आचारसंहिताको पूर्ण पालना गर्न सबैमा अनुरोध समेत गरेको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।सशस्त्र प्रहरी बल नेपालले भन्सार छलेको आशङ्कामा मुस्ताङको कोरोला नाकाबाट भित्रिएका ७७४ वटा विद्युतीय सवारीसाधन नियन्त्रणमा लिएको छ । मुस्ताङको जोमसोम, पर्वतको कुस्मा र कास्कीको हेम्जाबाट गएराति ती गाडी नियन्त्रणमा लिइएको सशस्त्र प्रहरी बलका प्रवक्ता विष्णुप्रसाद भट्टले राससलाई जानकारी दिनुभयो । गाडी नियन्त्रणमा लिन सशस्त्र प्रहरी बल नेपाल नं ३३ गुल्म मुस्ताङ,
Loading brands...
